Magel tyala Solar Pump Yojana Maharashtra : मागेल त्याला सोलर पंप योजनेसाठी घरबसल्या करा अर्ज ! prabhatmarathi

Table of Contents

Magel tyala Solar Pump Yojana Maharashtra : मागेल त्याला सोलर पंप योजनेसाठी घरबसल्या करता येणार अर्ज !

राज्यातील शेतकरी बांधवांना सिंचनाची सुलभ सुविधा उपलब्ध करून देणारी योजना गेल्या काही दिवसांपासून सुरू झाली आहे. आणि ती योजना म्हणजेच महाराष्ट्र राज्य विद्युत वितरण कंपनी द्वारे राबवली जाणारी ‘ मागेल त्याला सौर कृषि पंप योजना.’ या योजनेबद्दल सविस्तर माहिती देणारा लेख आपण आधीच प्रसिद्ध केला आहे. त्यामुळे या लेखात आपण काही ठराविक समस्यांचे निराकरण करण्याचा प्रयत्न करणार आहोत. ‘मागेल त्याला सौर कृषि पंप’ योजनेला बऱ्याच ठिकाणी चांगला प्रतिसाद मिळतो आहे. परंतु अजूनही बऱ्याच उमेदवारांना अर्जा बाबत अडचणी येत आहेत. त्यामुळेच अर्जदाराला आपल्या मोबाईल वरून घरबसल्या अर्ज करता यावा , याकरिता ही माहिती आम्ही प्रसिद्ध करित आहोत.

(Magel tyala Solar Pump Yojana Maharashtra)

योजना नेमकी काय आहे ?

तर मंडळी ज्या शेतकरी बांधवांकडे 2.5 एकर पर्यंत शेतजमीन आहे,अशा शेतकऱ्यांना 3 अश्वशक्ती क्षमतेपर्यंतचा सौर कृषि पंप मिळणार आहे. तर 2.51 ते 5 एकर शेतजमीन असणाऱ्या शेतकऱ्यांना 5 अश्वशक्तीचा तसेंच 9 एकर वरील शेतजमिन असणाऱ्या शेतकऱ्यांना 7.5 अश्वशक्ती क्षमता असलेला सौर कृषि पंप देण्यात येणार आहे.

स्वमालकीचे वैयक्तीक तसेंच सामुदायिक बोअरवेल, शेततळे, विहीर आणि बारा महिने पाणी असलेल्या नदीच्या शेजारी राहणारे शेतजमीनींचे मालक या योजनेसाठी अर्ज करू शकतात.

राज्यातील ज्या शेतकरी बांधवांकडे एक शास्वत जलस्त्रोत आहे, ज्या शेत सिंचनासाठी पारंपारिक विजपुरवठा नाही अशा शेतकरी बांधवांसाठी ‘मागेल त्याला सौर कृषि पंप योजना’ राबवण्यात येत आहे.